1）冬天仲學唔學到游水？

所有康文署核下嘅室內游泳池，都有暖水供應，所以冬天都可以照上游水堂。

 

2）冬天游水有咩要注意？

最緊要注意保暖，雖然有暖水供應，但亦需要因應情況為小朋友準備保暖衣及大毛巾。

 

3）選擇保暖衣有咩要注意？

要注意保暖衣嘅質地，保暖物料嘅厚度，以及保暖衣嘅剪裁（長袖，短袖，連身，半身等）

 

4）上游水堂要準備啲咩？

需準備好更換嘅衣物，泳衣，泳鏡，毛巾及拖鞋，浮板(三角板)及浮背便可以。

 

5）點樣為之啱身嘅保暖衣？

保暖衣唔同一般衣物，需要貼近身體，先至發揮到保暖嘅效果，試嘅時候要拉好拉鍊，要有少少緊貼嘅感覺，手臂及褲腳貼近皮膚，為之適合。

 

6）要幾多堂先會學識游水？

我哋教練會因材施教，因應每個小朋友嘅學習能力，學習進度會有所不同，並無或一嘅答案。一般八堂就會教識小朋友基本踢腳及浮身動作。

 

7）學游水應該學咩式先？

一般建議學自由式先，因為動作比較簡單，而且學自由式對學其餘三種泳式亦有一定幫助。不過亦會因應小朋友情況，而學背泳/蛙泳先。

 

8）幾歲可以開始學游水？

一般建議3-4歲就可以開始學習游水係最有效及學得最快嘅階段。

 

9）小朋友好怕水，可以點樣幫助？

如果小朋友好怕水，建議慢慢培養對水嘅興趣，平時喺屋企可以攞個盤，用嚟同小朋友練習吹泡泡，或者沖涼嘅時候比玩具佢玩，增加樂趣。

 

10）學游水有咩秘訣？

最有效提升小朋友學習進度，就係透過不斷嘅鼓勵同練習，有時反而家長太過緊張，以致令小朋友有壓力，反而學習成果不佳。

 

11）小朋友有哮喘/氣管敏感，適合學游水？

游水可以增強小朋友氣管及心肺功能，有助改善哮喘問題及氣管敏感。

 

12）每星期要上幾多堂游水堂？

初學者建議每星期上一至兩堂，隨着泳術進步及因應學生需要，可以慢慢增加至一星期三至四次，甚至五至六次。

 

13） 係咪固定教練教游水？

Yes!!!，我們會安排固定教練進行授課，因為小朋友需要時間適應教練，教練亦需要時間適應小朋友，以制定最佳嘅學習訓練及掌握小朋友學習情況。 

 

14）有冇得試堂？

我哋會設有試堂，不過會以一堂正價學費計算。

 

15）我只有一位學生參與，請問可以報1:2以上嘅課程嗎？

我哋會幫手進行配對，不過配對時間可能稍長，我哋亦歡迎唔同家長自組報名。 

 

16）係咪只有小朋友嘅課程？

我哋泳會提供三歲以上至到成人嘅游泳課程，適合不同人士報名，教練亦會因應學員情況進行教學。  

 

 17）上堂係咪一定要帶泳帽？

泳帽可以因應需要而選擇配唔佩戴。不過帶泳帽都有三個好處，減低水阻提高表現，保暖/防止頭髮阻礙視線，及提供小朋友信心，尤其泳帽有佢哋喜歡嘅圖案/卡通人物。

 

18）家長可唔可以同學生一齊落水？

歡迎家長同小朋友一齊落水，不過記住唔好阻礙教練進行教學，同時亦唔好太靠近學生，以免令小朋友分心或依賴。

 

19）小朋友已經識游水，點解仲要用浮板？

學游水並唔係一學識就唔使再用浮板，浮板係一個幫助學習嘅工具，有時學生需要進行動作改良，教練便會建議學生使用浮板，以專注某些動作進行改善。

 

20） 游水堂會唔會不斷玩遊戲？

我哋主張與學習於娛樂，以輕鬆愉快方式學習游水。年紀較細嘅小朋友我哋嘅教練都會用小遊戲進行教授，以吸引小朋友，令到訓練更有趣，等小朋友學習得快啲。